მეორე მსოფლიო ომის შემდგომ პერიოდში, როცა საზოგადოება ცდილობდა თავი დაეღწია ბურჟუაზიული პომპეზურობისა და ქაოსისგან, დაიბადა ახალი მიმდინარეობა - მინიმალიზმი. სტილი, რომელიც მოთხოვნათა მინიმუმამდე დაყვანას გულისხმობს, სწრაფად გახდა პოპულარული არა მხოლოდ ხელოვნებაში, არამედ ინტერიერის დიზაინშიც.

სიმშვიდე და სიმარტივე - ეს ის ორი სიტყვაა, რომელიც ხშირად გვახსენდება, როცა მინიმალისტურ ინტერიერზე ვსაუბრობთ. თანამედროვე ცხოვრების ქაოსში, სულ უფრო მეტი ადამიანი ეძებს სიმშვიდეს საკუთარ სახლში. მინიმალიზმის მთავარი პრინციპი "ნაკლები მეტია", აფასებს ხარისხს და არა რაოდენობას. ეს ნიშნავს, რომ ყველა ელემენტი თქვენს სივრცეში უნდა იყოს მიზნობრივი და ფუნქციური. წარმოიდგინეთ ოთახი, სადაც ყველაფერს აქვს თავისი ადგილი და დანიშნულება - არაფერია ზედმეტი ან უსარგებლო. 

მინიმალისტური ინტერიერი ეფუძნება რამდენიმე ასპექტს:

• ღია სივრცეები - თავისუფალი არეები, რაც ოთახებში ქმნის სიმშვიდისა და სისუფთავის შეგრძნებას;
• ნეიტრალური ფერები - თეთრი, ნაცრისფერი, ბეჟი დომინირება;
• ბუნებრივი განათება - დიდი ფანჯრები, მაქსიმალურად ბუნებრივი განათების გამოყენება;
• ხარისხი - ავეჯის ან დეკორის თითოეული ნაწილი შერჩეულია მიზანმიმართულად, ფოკუსირებულია გამძლეობაზე;
• ფუნქციურობა - ყველა ნივთს აქვს პრაქტიკული დანიშნულება;
• ხაზები და ფორმები - სწორი გეომეტრიული ფორმები ქმნის სისუფთავისა და წესრიგის შეგრძნებას;
• ტექსტურები - მინიმალური, მაგრამ საინტერესო ტექსტურები სიღრმეს მატებს სივრცეს.

მინიმალისტური დიზაინი არ ნიშნავს მოსაწყენ ან ცივ გარემოს. პირიქით, ის ქმნის მშვიდ, ორგანიზებულ სივრცეს, სადაც თქვენ შეგიძლიათ დაისვენოთ და ფოკუსირდეთ იმაზე, რაც მნიშვნელოვანია. მინიმალიზმი არ არის უბრალოდ დიზაინის ერთ-ერთი სტილი - ეს არის ცხოვრების ფილოსოფია.

სიმარტივეში შეიძლება ვიპოვოთ ესთეტიურობა და სიმშვიდე, როდესაც ვათავისუფლებთ სივრცეს ზედმეტი ნივთებისგან, ჩვენ ვათავისუფლებთ გონებასაც. მინიმალისტური ინტერიერი გვაძლევს საშუალებას, ფოკუსირება მოვახდინოთ იმაზე, რაც პრიორიტეტულია ჩვენს ცხოვრებაში. გამოიყენეთ ეს სტილი  ინტერიერში და ნახეთ, როგორ შეიცვლება საცხოვრებელი გარემო და განწყობა.