სახლი ჩვენი თავშესაფარია, სადაც ვისვენებთ და თავს კომფორტულად ვგრძნობთ. თუმცა, ზოგჯერ გარკვეული ფაქტორები არღვევენ ამ სიმყუდროვეს და ქმნიან დისკომფორტს. მნიშვნელოვანია გავაცნობიეროთ, რა შეიძლება იყოს ამის მიზეზი, რათა შევძლოთ მათი თავიდან აცილება და სახლში სასიამოვნო ატმოსფეროს შექმნა. სიმყუდროვის დარღვევის მთავარი მიზეზები შეიძლება იყოს - ზედმეტი ნივთები და უწესრიგობა, სივრცის არასწორი დაგეგმარება, განათება და ფერები. გადატვირთული სივრცე იწვევს სტრესს და ართულებს კომფორტის შეგრძნებას. 

განვიხილოთ თითოეული მათგანი:

სივრცის არასწორი დაგეგმარება - არასწორად დაგეგმილი სივრცე ინტერიერის ყველა დეტალს უკარგავს ფუნქციას და მას არაკომფორტულად აქცევს. ეცადეთ, სივრცეს, ისევე როგორც ავეჯს, ჰქონდეს თავისი ფუნქცია, ზუსტად იცოდეთ, რისთვის არის საჭირო თითოეული მათგანი. 

გამოუსადეგარი და ზედმეტი ნივთების შენახვა - სახლის ინტერიერის დაგეგმარების შემდეგ უნდა გაითვალისწინოთ, თქვენი სივრციდან გამომდინარე, რომ ზედმეტმა ნივთებმა სახლს იერი არ შეუცვალოს და არ დაარღვიოს მისი სიმყუდროვე. 

არასწორი განათება - განათება ძალიან მნიშვნელოვან როლს ასრულებს სწორი ინტერიერის შექმნისას. მაგალითად, დაბალმა განათებამ შესაძლოა სივრცე უსიცოცხლო გახადოს, ხოლო ძლიერი განათება არაკომფორტულია.  

სპონტანური შენაძენი - ერთ-ერთი ყველაზე გავრცელებული ჩვევა, რომელიც არღვევს სახლის სიმყუდროვეს. ეს არა მარტო ავეჯს ან ტექსტილს, არამედ ისეთ წვრილმანებსაც ეხება, როგორიცაა კბილის ჯაგრისების ჩასადები ან დეკორატიული ქანდაკება. ის, რაც ეფექტურად გამოიყურება მაღაზიაში, შესაძლებელია კონკრეტულ ინტერიერს საერთოდ არ მოუხდეს და ე.წ. “ვიზუალური ხმაური” შექმნას.

სახლში სიმყუდროვის შესანარჩუნებლად მნიშვნელოვანია ყურადღება მივაქციოთ ინტერიერის დეტალებს. ნაკლები ნივთებისა თუ ავეჯისკენ სწრაფვა, სწორი განათების შერჩევა, ხმაურის კონტროლი და ჰარმონიული ფერების გამოყენება დაგვეხმარება შევქმნათ კომფორტული და მშვიდი გარემო. გახსოვდეთ, რომ სახლი უნდა იყოს ადგილი, სადაც თავს დაცულად და მშვიდად ვგრძნობთ.