დღეს, როდესაც უძრავი ქონების ბაზარზე ფასები მზარდია, ხოლო საბანკო სესხის მიღება ხშირად ბარიერებით სავსე პროცესად იქცევა, მყიდველისთვის გადამწყვეტ მნიშვნელობას იძენს მოქნილი და ხელმისაწვდომი გადახდის სქემები. ერთ-ერთი ყველაზე კომფორტული გამოსავალი ამ მხრივ სწორედ შიდა განვადებაა - თანამედროვე გადაწყვეტა მათთვის, ვისაც სურს ბინა შეიძინოს ზედმეტი ბიუროკრატიის გარეშე.

შიდა განვადება გულისხმობს პირდაპირ შეთანხმებას მყიდველსა და დეველოპერულ კომპანიას შორის. მარტივად რომ ვთქვათ - აქ არ ერევა ბანკი და არც ზედმეტი საბუთებია საჭირო. ეს ნიშნავს ნაკლებ სტრესს, ნაკლებ ხარჯსა და მეტ თავისუფლებას.

რა უპირატესობა აქვს შიდა განვადებას?

• მარტივი პროცესი -  აღარ არის საჭირო შემოსავლის დამადასტურებელი ცნობები, საკრედიტო ისტორიის დეტალური შემოწმება ან დამტკიცების მოლოდინი. ხელშეკრულება შედგება უშუალოდ დეველოპერთან, რაც პროცესს ამარტივებს და აჩქარებს;
• უპროცენტო განვადება -  ბევრი დეველოპერული კომპანია შიდა განვადებას 0%-ით სთავაზობს. ეს ნიშნავს, რომ ბინის ჯამური ღირებულება არ იზრდება და თითოეული თეთრი ძირ თანხას აკლდება და არ მიდის პროცენტებში;
• მოქნილი პირობები - გადახდის გრაფიკი ხშირად მყიდველზე მორგებული და ინდივიდუალურად შეთანხმებულია. შეგიძლია წინასწარ დააზუსტო რამდენი გადაიხდი თვეში და რამდენ ხანს გაგრძელდება გადახდა - ყოველგვარი მოულოდნელობების გარეშე;
• დამატებითი ხარჯების გარეშე - საბანკო სესხისგან განსხვავებით, აქ არ დაგჭირდებათ დამატებითი დაზღვევა, საკომისიო გადასახადი ან ნოტარიული მომსახურება, რაც საბოლოო ჯამში სერიოზულ ეკონომიას ნიშნავს.

შიდა განვადება გვთავაზობს იმ ფინანსურ სიმშვიდეს, რაც თანამედროვე მყიდველს სჭირდება. ის ქმნის რეალურ გზას საკუთარი საცხოვრებლისკენ - მარტივად, ეტაპობრივად და შენს შესაძლებლობებზე მორგებულად.

თუ ბინის შეძენას გეგმავ და გსურს, რომ ეს პროცესი იყოს უფრო მეტად პროგნოზირებადი და ნაკლებად სტრესული, გაითვალისწინე შიდა განვადების შესაძლებლობა. ეს შენი პირადი სივრცისკენ გადადგმული ყველაზე პრაქტიკული და რეალური ნაბიჯი შეიძლება გახდეს.