ბინის ყიდვა საზღვარგარეთიდან ბევრისთვის ოცნებაა, ბევრისთვის - საჭიროება. ბევრ ქართველს, რომელიც მუშაობს ან ცხოვრობს უცხოეთში, სურს სამშობლოში ჰქონდეს საკუთარი კუთხე, ან უბრალოდ გააკეთოს მომგებიანი ინვესტიცია. საბედნიეროდ, თანამედროვე ტექნოლოგიები და გამარტივებული სამართლებრივი პროცედურები ამ პროცესს გაცილებით ადვილს ხდის, ვიდრე წარმოგვიდგენია.

კონსულტაცია გაყიდვების მენეჯერთან 

პირველი ნაბიჯი ყოველთვის იწყება სანდო სამშენებლო კომპანიის ან სააგენტოს არჩევით. აუცილებლად გაიარეთ ონლაინ-კონსულტაცია გაყიდვების მენეჯერთან. სწორედ ისინი აგიხსნიან:

• რა ტიპის ბინებია ხელმისაწვდომი (აშენებულ ან მშენებარე კორპუსში);
• რა დოკუმენტაციაა საჭირო;
• როგორ ხდება ხელშეკრულების გაფორმება დისტანციურად.

სასურველია სთხოვოთ დეტალური პრეზენტაცია, რათა დარწმუნდეთ, რომ ბინა რეალურად შეესაბამება თქვენს მოლოდინებს.

დოკუმენტაციის მომზადება 

ბინის ყიდვისთვის უცხოეთში მყოფი ადამიანისთვის ძირითადად საჭიროა:

• პირადობის ან პასპორტის ასლი;
• სრულიად დამოწმებული ნოტარიული მინდობილობა (თუ თქვენი ნაცნობი ან ადვოკატი საქართველოში თქვენ მაგივრად მოაწერს ხელს);
• საბანკო გადარიცხვის მონაცემები.

მნიშვნელოვანია, რომ ყველა დოკუმენტი ქართულ ენაზე იყოს ნათარგმნი და ნოტარიულად დამოწმებული.

გადახდის პირობები 

გადახდა, როგორც წესი, ხდება საერთაშორისო საბანკო გზით. შეგიძლიათ აირჩიოთ:

• ერთჯერადი სრული გადახდა;
• განვადება (მშენებარე ბინებში განსაკუთრებით პოპულარულია);
• ეტაპობრივი გადახდა, სამშენებლო პროცესის მიხედვით.

მნიშნელოვანია ყოველთვის გადაამოწმოთ კომპანიის საბანკო რეკვიზიტები და დარწმუნდეთ, რომ თანხა ირიცხება  კომპანიის ოფიციალურ ანგარიშზე და არა კერძო პირისას.

ყველაზე მნიშვნელოვანი ეტაპი არის საკადასტრო მომსახურება. საქართველოში ეს პროცესი სწრაფია - ბინა რეგისტრირდება 1-2 სამუშაო დღეში. თუ თქვენ არ იმყოფებით ქვეყანაში, ეს პროცესი თქვენს მიერ მინდობილ პირს შეუძლია განახორციელოს.

ბინის შეძენის შემდეგ აუცილებელია:

• მოითხოვეთ ამონაწერი საჯარო რეესტრიდან, სადაც თქვენ უკვე როგორც მესაკუთრე იქნებით მითითებული;
• შეინახეთ ყველა გადახდის ქვითარი;
• გაიარეთ დამატებითი კონსულტაცია იურისტთან, რომ ყველაფერი წესრიგშია.

ბინის ყიდვა საზღვარგარეთიდან რთული და დამღლელი პროცესის შთაბეჭდილებას ტოვებს, მაგრამ რეალურად, სწორად შერჩეული კომპანია და პროფესიონალი გაყიდვების მენეჯერი მას მარტივ და უსაფრთხო გამოცდილებად აქცევს. თუ ფიქრობთ ბინის შეძენაზე, დაიწყეთ კონსულტაციით - ეს გიქმნით სრული სურათს, თავიდან აგაცილებთ რისკებს და მოგცემთ საშუალებას მშვიდად მიიღოთ ყველაზე მნიშვნელოვანი გადაწყვეტილება.